Kanë përfunduar ditën e sotme ndeshjet e Kategorisë së Parë, të vlefshme për javën e 13-të të saj. 7 sfida që kanë zbritur në fushë prej orës 13:00 duke prodhuar spektakël dhe gola. Tashmë ekipet kanë përforcuar organikën e tyre, madje dhe me lojtarë të Superiores.
Dinamo ka fituar 2-1 ndaj Luzit dhe vazhdon i qetë kryesimin me 27 pikë por sheh pas Korabin dhe Skënderbeun që fituan ndeshjet e tyre me Besëlidhjen dhe Lushnjen. Ndërkaq Apolonia ka marrë 3 pikë kundër Flamurtarit, Ndërsa Burreli ka fituar minimalisht kundër Besës së Kavajës.
Tërbuni pas barazimit me Orikun, ruan vendin e 5-të pasi Besa me Luzin humbën ndeshjet e tyre. Në vendin e 8-të dhe larg zonës së rënies, më në fund ngjitet Tomori duke dalë kështu nga momenti negative pas fitores ndaj Turbinës.
Më poshtë njihuni me rezultatet e ditës së sotme në Kategorinë e Parë si dhe autorët e golave të shënuar.
KATEGORIA E PARË| Java 13
Dinamo – Luzi 2-1
Danaj 5′, 36′; Imami 53′
Oriku – Tërbuni 0-0
Skënderbeu – Lushnja 2-0
Abubakari 64′
Burreli – Besa 1-0
Toma 11′
Tomori – Turbina 2-0
Ismailaj 45′, Alinani 80′
Besëlidhja – Korabi 0-1
Lila 78′
Apolonia – Flamurtari 1-0
Gjata 78′
