Java e 12-të e Kategorisë së Parë u mbyll dje me ndeshjen Kastrioti – Besa, e fituar nga Kastrioti me përmbysje 2-1. Trajnerët e ekipeve Kombëtare kanë përzgjedhur formacionin dhe trajnerin më të mirë të javës, sipas skemës 1-4-2-3-1.
Në portë është gardiani i Apolonisë, Leonard Kacaj. Katërshja e mbrojtjes përbëhet nga Merdijan Sejdiu (Iliria), Eneh Francis Ndubuisi (Apolonia), Miklovan Pere (Pogradeci) dhe Fabio Hasa (Kastrioti).
Para mbrojtjes qëndrojnë Salim Abubakar (Skënderbeu) dhe Oresti Kasmollari (Kastrioti).
Santiago Rodriguez i Pogradecit, Hamadu Musa i Skënderbeut dhe Kalonji Nyanguila i AF Luftëtarit mbështesin në majën e sulmit Amadou Traore e Laçit.
Trajneri më i mirë i javës është përzgjedhur tekniku i Kastriotit, Ramadan Ndreu.
