Pogradeci është një nga skuadrat që në këtë merkato ka afruar disa futbollistë cilësorë në mënyrë për të përforcuar ekipin për pjesën e mbetur të sezonit.
Por nga liqenorët nuk ka vetëm afrime, por edhe lëvizje në dalje. Kështu dy largime të papritura kanë ndodhur te skuadra e Emiliano Çelës.
Nuk do të jenë më pjesë e Pogradecit lojtarët Santiago Rodriges dhe Redon Raza.
I pari që është nga Venezuela ka luajtur në njëzet ndeshje me liqenorët,ndërsa i dyti ka mundur të jetë protagonist vetëm në nëntë sfida.
Të dy futbollistët kan ndërprerë bashkëpunimin me klubin,duke i dhënë fund aventurës së tyre në Pogradec.
Fatos LAMAJ
