Pas barazimit 1-1 përballë Jagiellionas, që solli përfundimin e rrugëtimit të Dinamos në Conference League, trajneri i “bluve”, Ilir Daja ka folur për mediat. Tekniku ka theksuar se skuadra e tij ka bërë një rrugëtim fantastik në Europë, ku u rikthye pas 15 vitesh dhe se nuk ka asnjë peng, pasi ky ishte maksimumi që Dinamo mund të bënte.
“Nuk kam asnjë peng, me gjithë problematikën që kemi pasur. Ky ishte maksimumi jonë. Kemi bërë një ndeshje kthimi shumë të mirë ndaj një ekipi shumë të fortë. Kemi probleme të mëdha për shkak të dëmtimeve. Kemi bërë një rrugëtim fantastik, mbas 15 vitesh bëmë historinë me Dinamon.
Me mungesat dhe me ikjen e dy golashënuesve, nuk mund t’i zëvendësosh lojtarët brenda një muaji. I përshëndes djemtë. Kjo ishte ndeshja ime e 60-të në Europë, por një arbitrim të tillë nuk e kam parë.
Nuk flas për kampionatin, jam i dënuar nga një tjetër arbitër i UEFA-s. Do të bëjmë disa zëvendësime. Kemi dy ditë kohë, mund të marrim pak energji. Kampionati nuk ka filluar akoma, presim këto 2-3 ditë për të bërë ndonjë ndërhyrje në merkato.
Na duhen lojtarë në mbrojtje dhe në sulm. Dinamo nga vetë historia dhe tradita ka objektiva madhore. Më mirë t’i marrim gjërat me qetësi, të bëjmë zëvendësimet e duhura, të gjejmë modulin e duhur me lojtarët e rinj.
Rrugës do të shikojmë edhe objektivin. Ne nuk duhet të kishim ndërhyrje në këto momente, janë politika të klubit shitjet. Ne duhet të kishim gjetur që në janar zëvendësuesit e Zabërgjës dhe Itodos. Çdo lojtar i ri do kohën e vetë të përshtatet. Sot të mos përballeshim me një grup të cunguar, por të përballeshim denjësisht. Do të më vinte mirë që sot ta mbyllnim me një fitore. Është një rrugëtim goxha i mirë, me një kontigjent të limtuar”, ka thënë mes të tjerash Daja.
