Friday, October 17, 2025
type here...
FutbollFutboll MoshatSport i huaj
Updated:

KF Malsia, e nis mbarë Kampionatin e moshave të Malit të Zi. 10-vjeçarët e drejtuar nga David Camaj, mundin në transfertë Buduçnostin e Podgoricës, 0-3. Shënuan: Nardi Kalaj, Mateo Lajçaj dhe Noel Sinishtaj

VeriuSport
By VeriuSport

Lexo

- Reklamë -spot_img

Buduçnost-KF Malsia  0-3(Shënues: Nardi Kalaj, Mateo Lajçaj dhe Noel Sinishtaj)

Formacioni i KF Malsia: Sinishtaj, Vulaj, Kalaj(Kapiten), Nikaj-Gojçaj, Otoviq, Lajcaj, Juncaj, Camaj, Gjelaj, Nikprelaj, Vulaj. Trajner: David Camaj

Kampionati i futbollit në Malin e Zi për kategorinë e moshave ka nisur në në mënyrën më të mirë për Klubin e Futbollit Malsia të Tuzit. Në ndeshjen e parë hapëse të kampionatit të moshave, djemtë tuzianë të moshës 8-10 vjeçarë të drejtuar nga kryetrajneri i KF Malsia, David Camaj,

u përballen me ekipin e Buduçnostit të Podgoricës.

Edhe në transfertë duke luajtur në fushën e skuadrës nga Podgorica, futbollistët tuzianë ishin superiorë në çdo aspektet, ku falë nivelit cilësor të shfaqur në fushën e lojës, disiplinës dhe përkushtimit, fituan pastër me rezultatin 3 me 0. Autorë të golave për KF Malsia us hënuan nga Nardi Kalaj, Mateo Lajçaj dhe Noel Sinishtaj

 

Pas suksesit që arriti një muaj më parë në Shqipëri duke marrë vendin e parë në Turneun Ndërkombëtar të zhvilluar në Shkodër, organizuar në Shkodra Sport Event dhe FSHF, si dhe një trofeu tjetër të fituar dhjetë ditë më parë duke mundur Deçiqin në finale 5-0, nisja e kampionatit me fitore të pastër 3-0 përballë një skuadre të fortë si Buduçnost, është një tregues shumë pozitiv për ekipin e Malsisë duke dëshmuar kësisoj punën shumë të mirë që bëhet në këtë klub.

Një brez, që garanton një të ardhme të sigurtë me emra të tillë si Kalaj, Gjelaj, Oti, Vulaj, Lajçaj, Nikaj, Nikprelaj, Juncaj dhe Sinishtaj, Dushaj, të cilët shumë shpejt pritet të jetë kontigjent në kampionatet e të rriturve.

Gaspër MARKU

 

- Advertisement -spot_img
Artikulli paraprak
(Video) Peshëngritje-Kryetrajneri i Vllaznisë Artur Lagja: Po rrisim një brez të talentuar sportistësh. Pas Kampionatit, kuqeblutë më të mirët edhe në Kupën e Shqipërisë
Artikulli tjetër
Në prag të sfidës miqësore ndaj Jordanisë, që do të luhet nesër në ora 19:00 në stadiumin “Air Albania”, trajneri Silvinjo doli në konferencën zyrtare për media. Braziliani i pankinws shqiptare theksoi se, edhe pse ndeshja është miqësore, ajo nuk do të trajtohet si e tillë. Ndwr tw tjera, ai i bënë një thirrje të veçantë tifozëve për të mbushur stadiumin “Air Albania”, për t’i mbështetur kuqezinjtë në ndeshjen ndaj Jordanisë dhe për të festuar së bashku fitoren ndaj Serbisë. Trajneri Silvinjo tha se ekipi është i fokusuar te ndeshja ndaj Jordanisë dhe te dy sfidat e rëndësishme të nëntorit, duke theksuar se nuk e sheh këtë takim si miqësor, por si një mundësi për të përmirësuar skuadrën. Ai kërkoi mbështetjen e tifozëve dhe vlerësoi përkushtimin e lojtarëve në çdo ndeshje. A do t’i jepet mundësia lojtarëve të rinj nesër të luajnë? – Ndeshjen e nesërme nuk e shoh si miqësore, sepse në çdo ndeshje futemi për të fituar. Nuk mendoj as për një formacion apo një 11-she që nuk kanë luajtur bashkë. Po punojmë shumë dhe nesër në mëngjes do të kemi 11-shen që do të jetë në fushë. Do të shohim edhe si kombinohen me njëri-tjetrin. Kemi lojtarë që kanë 6 muaj apo 1 vit me ne, por kanë bërë vetëm një ndeshje. Gripshi dhe Cake më pëlqejnë shumë si lojtarë, për personalitetin dhe për atë që kanë bërë deri tani në ekip. Ndeshja me Serbinë dhe a keni filluar t’i bëni llogaritë për play-off-in? – Kthimi pas ndeshjes ishte i vështirë, erdhëm vonë dhe kishte shumë njerëz në aeroport. E dija që nuk ishte ndeshje normale. Por eksperienca që kemi fituar, që lojtarët kanë fituar gjatë Europianit, ndikoi që ta menaxhonim ndeshjen ndaj Serbisë. Llogaritë tona janë ndeshjet tona, kemi dy ndeshje të rëndësishme në nëntor. Të lumtur, po. Për herë të parë Shqipëria shkon të luajë dy ndeshjet e fundit me shanse që të jetë në play-off, është e bukur. Ndeshja e radhës është shumë e rëndësishme, llogaritë janë për ndeshjet tona. Sa e ndjeni veten shqiptar dhe a keni mesazh për tifozët? – Pas kualifikimit në Europian, ndihesha 7. Pas kësaj fitoreje, ndihem 8 e gjysmë, gati 9. Në të dyja ndeshjet kemi bërë mirë, në fushë luhet futboll. E kuptoj rëndësinë e ndeshjes, për tifozët dhe për të gjithë. Mesazh për 24 lojtarët, secili mund të jetë në fushë apo në pankinë. Unë nuk besoj në miqësore, mendoj për hapin tjetër që është i rëndësishëm dhe vjen në nëntor. Mesazhi për tifozët? – Përsa i përket tifozëve, të mbështesin Kombëtaren sepse lufton me zemër, gjak dhe shpirt. Mund të humbasësh, por asnjëherë nuk i ka munguar gjaku, shpirti dhe zemra. E dimë që nuk ka rrugë tjetër, përveçse të ecim përpara. Kërkojmë mbështetjen e tifozëve. Urimi më i bukur pas ndeshjes me Serbinë? – Shumë komplimente dhe urime, të gjitha të rëndësishme. Por 10 ditë më parë kam pasur një bisedë telefonike me video, ishin bashkë edhe stafi afër me Roberto Mançinin. Pas ndeshjes me Serbinë, më ka shkruar: “Bravo Silvio, ke bërë shumë mirë.” Por sigurisht, të gjitha mesazhet janë të rëndësishme. Faza play-off e Botërorit? – Duhet të jem i sinqertë, nuk kam parë asnjë kundërshtar që mund të na shfaqet përpara për play-off. E njoh veten shumë mirë, tani mendojmë për ndeshjen e nesërme dhe për dy takimet e rëndësishme të nëntorit. I kam thënë djemve që ndeshjen e nesërme nuk e shoh si miqësore, por si mundësi. Ekipi Kombëtar është këtu dhe mendja është te hapi i radhës në kualifikueset e nëntorit. Jo, nuk kam parë asgjë më përpara. Komentet para dhe pas ndeshjes me Serbinë, si i gjykoni? – Unë kam pasur karrierë 15-vjeçare si futbollist, si trajner për 5-6 vite. Ne jemi përgatitur, unë e thashë shembullin e Rey Manajt. E njoh që nga viti 2014, e kam njohur te Interi, është golashënuesi më i mirë i Kombëtares tonë tani, i cili ka respektin e të gjithëve. Një ditë nuk shënon – nuk shërben. Shënon – shërben. Por ne jemi mësuar me këtë vlerësim, është jeta, nuk ndryshon. Jam mësuar si lojtar vlen apo nuk vlen, edhe si trajner vlen apo nuk vlen. Unë e kam thënë që mendoj vetë për të ardhmen. Nuk kam asnjë problem. Nuk flitet për këto gjëra, kemi shumë gjëra të rëndësishme, duhet të jemi inteligjentë. Flasim për ndeshjen ndaj Letonisë që ishte shumë e rëndësishme, pastaj Serbia, pastaj kemi ndeshje të rëndësishme në nëntor. Nuk flasim për këtë, nuk ka asnjë problem. Klinsman Cake u ul sot në konferencën zyrtare përkrah trajnerit Silvinjo. Mbrojtësi shqiptar shprehu emocionet e tij të para si pjesë e grumbullimit me Kombëtaren, duke theksuar se kjo ka qenë një ëndërr e tij që prej fëmijërisë. Emocionet e para si lojtar i Kombëtares – Emocionet nuk mund t’i përshkruaj, pasi dihet çfarë emocionesh të jep Kombëtarja. Ka qenë një ëndërr për mua, ashtu siç është për çdo fëmijë shqiptar, besoj. Çdo fëmijë i rritur këtu e ka ëndërr të luajë një ditë për Kombëtaren, dhe për momentin unë jam i grumbulluar, mund të them që po jetoj një ëndërr. Si e gjetët grupin e lojtarëve? – Grupi është shumë i mirë, e kam gjetur shumë të bashkuar. Të gjithë çunat janë aty për njëri-tjetrin, shumë mikpritës, dhe dua t’i falënderoj për mikpritjen që më kanë bërë. I kam gjetur shumë mirë. Biseda me trajnerin – Kam pasur një bisedë pasi erdha këtu. Më parë nuk kisha folur; në momentin kur më thirrën dhe nisi grumbullimi, atëherë folëm. “Premtim” nga trajneri se do të luani nesër? – Normalisht që jo. Askush nuk ta jep atë premtim kur vjen në Kombëtare. Ne vijmë në Kombëtare të gjithë dhe jemi gati çdo sekondë – qoftë në fushë, qoftë në stol apo në tribunë, nëse do të jetë nevoja. Askush nuk premton asgjë. E prisje një ftesë para ndeshjes me Serbinë? – Nuk e kisha menduar, por kur më erdhi, ishte surprizë. Jam shumë i lumtur që jam këtu. Sa për kuqezinjtë, gjithë jetën kuqezi! Cili ka qenë reagimi i skuadrës së Shkëndijës pasi more ftesën? – Te klubi i Shkëndijës janë gëzuar shumë, duke e ditur se sa shumë e duam Kombëtaren shqiptare dhe sa patriotë janë. Janë gëzuar të gjithë – kryesia, lojtarët dhe i gjithë ekipi më kanë përgëzuar dhe më kanë uruar sa më shumë suksese. Më uruan gjithashtu të fitojmë ndeshjen me Serbinë, që ishte gjëja kryesore. Kush të jep më shumë emocion, “kuqezi”-ja e Shkëndijës apo ajo e Kombëtares? – Te Shkëndija më japin emocion ngjyrat kuqezi, por Kombëtarja është një ndjesi tjetër – e pakrahasueshme me asnjë klub, e papërshkrueshme, që çdo fëmijë e ëndërron. Është një ëndërr e bërë realitet. Thirrja për tifozët – Nesër i ftoj të gjithë tifozët nga e gjithë shqiptaria dhe diaspora që, ashtu siç dolën nëpër rrugë dhe botë për të festuar, t’i ftoj të vijnë nesër në stadium dhe të festojmë së bashku atë fitore të madhe që arritëm.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

Futboll

Foto Lajm-Akademia e Futbollit Vllaznia, me 9 futbollistë në ceremoninë e më të mirëve të sezonit 2024-2025

VeriuSport -
Futboll

Kategoria e Dytë-Javë e Tretë, luhet në dy ditë, të shtunën dhe të dielën. Spikat derbi i qarkut Shkodër, Shiroka-Veleçiku

VeriuSport -
Futboll

(VIDEO) MË TË MIRËT 2024-2025 / FSHF & ABISSNET NDEROJNË FUTBOLLISTËT DHE TRAJNERËT MË TË SPIKATUR NË KAMPIONATET U15, U16, U17, U18, U19 &...

VeriuSport -
Futboll

Prag java e shtatë e Kategorisë së Parë. Pas kualifikimit në Kupë, Luftëtari pret në shtëpi kryesuesen Skënderbeu. Gjirokastritët kërkojnë fitoren para tifozëve të...

VeriuSport -
- Advertisement -spot_img

© Të gjitha të drejtat e rezervuara për Veriu Sport. Powered by Manifesto.al