Ndërprerja e kampionatit të Superiores për shkak të ndeshjeve të kombëtares kuqezi, është shfrytëzuar nga kuqeblu për zhvillimin e një ndeshje miqësore. Ajo do të zhvillohet pasditen e sotme në stadiumin “Loro Boriçi” duke filluar nga ora 1900, ku përballë Vllaznisë do të jetë skuadra ulqinake FK Otrant Olympic, pjesë e Superligës së futbollit malazez.
Kuqeblutë kanë loënë pas tre javë kampionat, me bilancin, një fitore në transfertë me Partizanin, 0-1, barazim në Shkodër me Tiranën 2-2 dhe humbje në Korçë me Skënjderbeun 1-0.
Kjo miqësore vjen në kuadrin e përgatitjeve për ndeshjen e javës së katërt të Abissnet Superiore, atë Vllaznia-Egnatia, që do të luhe ttë mërkurën e ardhshme në Shkodër.
Ndër të tjera, zhvillimi i kësaj miqësoreje i vlen teknikut kuqeblu, Thomas Brdariç për të ndjekur në fushën e lojës blerjen më të re, futbollistin Edlin Randy Essang Matouti, një lojtar që i përket repartit të sulmit dhe që më herët federuar ditën e fundit të mbylljes së merkatos, ndërkohë që sot ka mbërritur në Shkodër për t’iu bashkuar ekipit në stërvitje. Matouti është 21 vjeç, luan në repartin e sulmit dhe kohët e fundit ka debutuar edhe me kombëtaren e vendit të tij- Gabon.
Por, krahas blerjes më të re, me interes është të testohet ndonjë prej futbollistëve që kanë munguar për arsye dëmtimi, të cilët kanë nisur të japin sinjale pozitive rikuperimi.
