Komiteti Ekzekutiv i UEFA-s u mblodh sot për herën e fundit për këtë vit në Lozanë, Zvicër dhe miratoi disa vendime të rëndësishme që lidhen me zhvillimet e futbollit europian.
Rritje e shpërblimeve për UEFA Women’s EURO 2025
Komiteti Ekzekutiv i UEFA-s miratoi një rritje të konsiderueshme të shpërblimeve për UEFA Women’s EURO 2025, duke arritur në 41 milionë euro, që është një rritje prej 156% krahasuar me vitin 2022.
Finalet e UEFA Nations League 2025
Komiteti Ekzekutiv i UEFA-s vendosi të përcaktojë Italinë dhe Gjermaninë si mikpritës të përkohshëm për finalet e UEFA Nations League, që do të zhvillohen nga data 4 deri më 8 qershor 2025. Stadiumet e përzgjedhura janë ato të Torinos (Juventus dhe Torino) dhe stadiumet e Mynihut dhe Stuttgart.
Emri i ri i kompeticionit të dytë për klube vajza
U vendos edhe emri i ri i kompeticionit të dytë për klube të vajzave, që është UEFA Women’s Europa Cup.
Sistemi i ri i shpërndarjes së të ardhurave për kompeticionet e klubeve vajza
U miratua edhe një sistem i ri shpërndarjeje të ardhurave për kompeticionet e klubeve vajza, që do të fillojë nga sezoni 2025/26.
UEFA Super Cup 2025
Stadiumi Friuli në Udine do të presë finalen e UEFA Super Cup 2025 më 13 gusht 2025.
UEFA Futsal Champions League
Le Mans, Francë, u emërua si vendi mikpritës i finaleve të UEFA Futsal Champions League 2025. Finalet do të zhvillohen nga data 1 deri më 4 maj 2025.