Pas dorëheqjes nga stoli i Teutës së Durrësit, trajneri shkodran Edi Martini, i është përgjigjur pozitivisht ftesës së ardhur nga presidenca e Trepçës në Kampionatin e Ligës së Parë të futbollit kosovar.
Dhe, prova e parë e Martinit ka qënë në derbin e Mitrovicës, ku skuadra e drejtuar prejt tij, Trepça ka mundur me rezultatin 1 me 0 ekipin tjetër të këtij qyteti, KF Mitrovica.
Sfidën e luajtur në stadiumin “Riza Lushta” të Mitrovicës e ka vendosur Ardit Miftari me golin e shënuar në minutën e 80-të duke sjellë entuziasmin në kampin e Trepçes, gjë të cilën e përcjellë edhe foto që shoqëron shkrimin, në qëndër të së cilës shfaqet edhe trajneri Edi Martini duke shijuar fitoren e parë që në ndeshjen e parë debutuese të tij në kampionatin kosovar.