“Të qëndroj tek Inter për shumë vite? Po, sigurisht. Gjithmonë kam thënë se jam tifoz i Interit, por nuk dua të qëndroj këtu duke bërë premtime sepse tani është e kotë. Unë jam duke menduar për të përfunduar sezonin.”
Kështu flet Kristjan Asllani, direkt nga Uembli, pas disfatës me Shqipërinë e tij ndaj Anglisë në ndeshjen e parë të vlefshme për kualifikimin në Botërorin e ardhshëm. 23-vjeçari, i thirrur disa herë këtë sezon për të zëvendësuar Calhanoglu, nuk u fsheh për kritikat që mori nga tifozët:
“Unë u vërshëlleva, nuk jam këtu për të thënë gënjeshtra – pranoi ish-lojtari i Empolit. Mendoj se e meritova atë trajtim.
Thënë kjo, vazhdoj të punoj me qetësi, skuadra është pranë meje, kam një familje që më do: vazhdoj rrugën time, jam 23 vjeç, e di që mund të rritem. E di gjithashtu që në këto tre vite nuk i kam shfaqur shumë apo shpesh cilësitë e mia. Por e di gjithashtu se të luash pak dhe të dalësh nga pankina është pak e vështirë.
Por nuk ka problem, kam pranuar ta bëj këtë, jam i lumtur që kam lojtarë të fortë përballë, si Hakan që është mjeshtër dhe vëlla, është e drejtë të mësosh prej tij. E ardhmja? Kur erdha këtu e bëra sepse e pashë veten me zikaltërit për shumë vite dhe ende shpresoj të qëndroj tek Interi për shumë vite. Por në futboll nuk dihet kurrë. Të shohim se çfarë do të ndodhë, tani kemi edhe këta dy muaj, do të mundohemi të japim maksimumin”, ka thënë Asllani pas ndeshjes kundër Anglisë për mediat italiane.