Në ndeshjet e sotme në turin e parë të Kupës së Shqipërisë për fazën e 1/32-ve u përcaktuan emrat e ekipeve të cilat do të shkojnë në fazën tjetër të turneut, me një kalendar të paracaktuar nga FSHF për përballjet mes tyre.
Në 15 ndeshje u shënuan 77 gola, ndërkohë që bie në sy është fitorja e thellë 15-1 e Flamurtarit ndaj Devollit, me Shkurtajn i cili ka tundur 5 herë rrjetën në këtë duel, një rezultat ky që nuk mbahet mend në historinë e futbollit shqiptar.
16 skuadra janë kualifikuar për në turin tjetër të kompeticionit të dytë më të rëndësishëm në vend. Dy skuadrat e “Abissnet Superiore”, Bylisi dhe Elbasani fitojnë bindshëm në shtëpi. E vetmja surprizë e këtij turi ka qenë eliminimi i Lushnjës, që është mposhtur 1-0 në shtëpi nga Oriku. Në ndeshjet e tjera nuk ka pasur surpriza dhe kanë qenë skuadrat favorite ato që kanë fituar.
Kupa e Shqipërisë – Rezultatet
ELBASANI – TURBINA 4 – 0
APOLONIA – KËLCYRA 3 – 0
BESA – TËRBUNI 4 – 3
BURRELI – SOPOTI 4 – 0
BYLIS – ADRIATIKU 5 – 1
ERZENI – NAFTËTARI 1 – 0
FLAMURTARI – DEVOLLI 15 – 1
KASTRIOTI – BUTRINTI 3 – 1
VALBONA – BESËLIDHJA 1 – 0
KORABI – KOPLIKU 5 – 2
KUKËSI – ALBANËT 6 – 0
LUSHNJA – ORIKU 0 – 1
LUZI – SHKUMBINI 5 – 0
POGRADECI – LUFTËTARI 2 – 0
TOMORI – ILIRIA 1 – 2
VORA – GRAMSHI 6- 1
Fatmir POPJA
