Vllaznia-Elbasani dhe Partizani-Laçi, janë dy sfidat e para të ndeshjeve të kthimit për turin çerekfinal të Kupës së Shqipërisë, të cilat do të luhen në stadiumin e Shkodrës “Loro Boriçi” dhe atë të Tiranës, “Arena e Demave”.
Që të dyja ndeshjet janë të planifikuar të nisin në orën 17:00, ku në sfidat e para, rezultati ka qënë i barabartë, 0 me 0. Është kjo arsyeja që kualifikimi është i hapur për të katër skuadrat në fjalë. Do të jetë me kohë të rregullt, shtësë, apo edhe me gjuajtjet e penalltive, kjo do të mësohet pasditen e sotme.
Ndërkohë, dy takimet e tjera të kthimit për turin çerekfinal do të luhen të mërkurën. Në “Arena Egnatia”, prej orës 13:30, ballafaqohen Egnatia-Bylis me rrogozhinasit që janë më pranë kualifikimit në gjysmëfinale falë fitores 1-3 në takimin e parë. Ndërkohë Skënderbeu-Dinamo do të luhet në Korçë në orën 16:30,me ekipin korçar që ka avantazhin e fitores 2-0 nga sfida e parë.
Sot
Vllaznia-Elbasani (17:00)
Partizani-Laçi (17:00)
Nesër
Egnatia-Bylis (13:30)
Skënderbeu-Dinamo (16:30)