Kupa e Shqipërisë do të luaj ndeshjet e fundit të çerekfinaleve të kthimit ditën e sotme. Duele mjaftë të rëndësishme dhe shumë të luftuara jan në program për tu zhvilluar në dy orare të ndryshme.
Gjtihçka do të startoj me duelin mes Egnaatias dhe Bylisit. Përballje që do të luhet në “Egnatia Arena” në orën 13:30. Rrogozhinasit do të luajnë thjeshtë për formalitet dhe për të ruajtur avantazhin 3-1 të mar në sfidën e parë,ndërsa nga krahu tjetër ballshiotët do të tentojnë përmbysjen e madhe për të siguruar gjysmëfinalen.
Në orën 16:30 do të jetë radha e Skënderbeut dhe Dinamos për të vendosur edhe gjysmëfinalistin e fundit të Kupës së Shqipërisë. Një duel që do të luhet në Korçë,me korçarët që kanë avantazhin e sfidës së parë të fituar 2-0. Ekipi i Ernest Gjokës do të tentojë të ruajë avantazhin,ndërsa Ilir Daja me “djemt” e tij të tentojnë përmbysjen për të qenë mes katër skuadrve më të mira të Kupës së Shqipërisë.
Ndërkohë që bukuria e ndeshjes në Korçë vjen nga gjykimi i kësaj ndeshje,ku sektori i arbitrimit i ka besuar këtë duel Emanuela Rustës e cila nga java në javë po tregon një nivel të kënaqshëm në fushën e arbitrimit. Në këtë takim ajo do të ketë si ndihmësa të saj Mario Shazivari dhe Gerald Cenolli ndërsa arbitër i katërt është caktuar Erjon Bastari. Në sistemin Var dhe Avar Rusta do të ketë bashkë qytetarët e saj Enea Jorgji dhe Erjon Bylykbashi. Delegat i këtij takimi do të jetë Ilirjan File ndërsa Vëzhgues Sokol Çekaj.
Fatos LAMAJ