Aktualisht futbolli shqipëtar është në pauzë për shkak të sfidave të Kombëtares. Kjo do t’u japë më shumë mundësi skuadrave të rifitojnë energjitë e shpenzuara dhe për t’u bërë gati për ndeshjet e ardhshme.
Përveç Superiores, Kategorisë së Parë dhe Kategorisë së Dytë, pas pauzës së Kombëtares do të rikthehen emocionet e Kupës së Shqipërisë. Një ditë pas sfidës me Ukrainën,skuadrat do të zbresin në fushë për të zhvilluar fazën e 1/16 të Kupës, ku duele interesante janë në program në orën 13:00.
Kështu të mërkurën do të sfidohen mes tyre Elbasani-Iliria, Apolonia-Burreli, Bylis-Luzi 2008. Interesante dhe që merr vëmendjen e tifozëve është përballja mes Flamurtarit dhe Besës, dy ekipe pretendente për titullin në Kategorinë e Parë do të sfidohen në Kupë.
Ndërkohë Erzeni do të duelojë me Valbonën, Korabi-Kastrioti, Kukësi-Pogradeci dhe Vora-Oriku, janë sfidat e tjera në këtë fazë të Kupës së Shqipërisë.
Të mërkurën ora 13:00
Elbasani-Iliria
Erzeni-Valbona
Vora-Oriku
Apolonia-Burreli
Kukësi-Pogradeci
Korabi-Kastrioti
Bylis-Luzi 2008
Flamurtari-Besa
Fatos LAMAJ