Pas një dite pushim, si ajo e së martës që vinte pas një ndeshje jo pak të lodhshme ndaj Diunamos, të cilën e sfiduan në “Loro Boriçi” me rezultain 6-3, që prej pasdites së mërkurë, Vllaznia ka nisur përgtaitjet anti-Kukësi.
Fitorja në fjalë ka treguar realisht që Vllaznia është një pretendente e denjë për fitimin e titullit kampion. Për, trajnerin Brdariç e rëndësishme është që entuziazmi i suksesit ndaj Dinamos të mos e kalojë skuadrën në eufori.
Me 13 gola të shënuar në 5 javë, Vllaznia është skuadra më produktive në sulm por ka ende disa probleme në fazën mbrojtëse që në një farë mënyre kanë ardhur edhe nga modifikimi i këtij reparti si pasojë e mungesave të titullarave. Por, pikërisht për këtë repart, për ndeshjen e radhës me Kukësin ka më tepër qetësi, pasi rikthehet Mevlan Adili që mungoi ndaj Dinamos për shkak të pezullimit me kartonin e kuq të marrë në transfertën e Korçës ndaj Skënderbeut. Por, krahas Adilit, një rikthim i rëndësishëm është edhe ai i brazilianit Viktor Da Silva, i cili ka mlënë pas dëmtimin duke qënë një formë më shumë për sulmnin kuqeblu në prag të sfidës të së dieles ndaj Kukësit.
