Ndonëse ka arritur të shënojë i pari me anë të Mbappe, PSG nuk ka arritur të mbajë avantazhin, sepse Real Madrid kundrapërgjigjet me tre gola duke përmbysur gjithçka. Për këtë ka menduar Karim Benzema, më i miri për madrilenët në këtë sfidë, i cili me tripletën e tij nderoi skuadrën e tij duke i dhënë fitoren Real Madrid me rezultatin 3 me 1.
Të tre golat e Benzema u shënuan në pjesën e dytë të ndeshjes, pas një ndeshje të spikatur nga ana e tij duke u shfaqur i papërballueshëm nga mbrojtja kundërshtare. 3 me 2 rezultati i përgjithshëm në favor të madrilenëve, të cilët shkojnë në turin çerekfinal të Ligës së Kampioneve.
