Trajneri i Evertonit, Dyche: “Kam folur me të për përfshirjen e mundshme, kështu që do të shohim”
Armando Broja është në radhë për të bërë dëbutimin me skuadrën e parë të Evertonit dhe pikërisht kundër Manchester United të dielën.
Trajneri Sean Dyche thotë se sulmuesi, i huazuar nga Chelsea në ditën e fundit të transferimit, është rikuperuar nga dëmtimi dhe është kthyer në veprim. Ai luajti 45 minuta për Everton U21 në humbjen e tyre 1-0 ndaj Watford të hënën dhe startoi përsëri për ta të premten kundër Nottingham Forest.
Dyche po monitoron me kujdes minutat e Brojës dhe i ka thënë atij se plani i tij është ta përfshijë në skuadër për ndeshjen e së dielës me United në Old Trafford.
“Ne do të shohim se si do të shkojë dhe sigurisht që do të monitorojmë minutat e Brojës, por ai ka bërë shumë punë dhe ndihet mirë. Kam folur me të për përfshirjen e mundshme, kështu që do të shohim”, ka deklaruar trajneri i Everton.
Dyche është i etur për të rikthyer Brojën, Everton ka kaluar tri ndeshje pa shënuar.
