Pas firmosjes me trajnerin malazez, Nikola Milatoviç, i cili do të drejtojë kuqeblutë e koshit për sezonin e ri të basketbollit, drejtuesit e Shoqatës së Basketbollit Vllaznia kanë bërë hapin tjetër në merkato. Këtë radhë, firma ka ardhur me amerikanin, Rodney Bullock, basketbollist ky që më herët ka luajtur në kategorinë Superiore të kampionatit hungarez dhe atë kosovar.
“Klubi i basketbollit Vllaznia ne kuader te pergatitjeve per sezonin e ri ka arritur marreveshjen me basketbollistin amerikan Rodney Bullock. 27 vjeçari luan ne pozicion 3 (small forëard) dhe konsiderohet nje perforcim teper i rendesishem per ekipin. Ne karrieren e tij si profesionist ka qene pjese e ekipeve Alba Fehérvár (Hungari) si dhe Prishtines (Kosove ). #Welcome Rodney!”, citohet në postimin që shotata e basketbollit Vllaznia ka bërë në faqen zyrtare FB.
