Partizani ka eliminuar Laçin nga Kupa duke triumfuar me rezultatin 2-1 në “Arena e Demave”. Në përfundimin e takimit, trajneri i Laçit Francesco Moriero u shpreh.
“Ka munguar goli. Skuadra luajti mirë dhe dominoi ndeshjen. Mund të bënim dhe ne golin e parë. Ndeshjet vendosen dhe në gabime individuale. Bëmë vetëm dy gabime dhe pësuam dy gola. Më vjen keq sepse me atë që treguan çunat në fushë, merituam të kalonim turin. Interpretuam ndeshjen taktikisht mirë, ishim agresivë. Gabimet paguhen, kështu ndodhi sot. Do mendojmë për të tjerat. Na vjen keq për tifozët, klubin dhe lojtarët, por bëmë gjithçka për të fituar ndeshjen.
Ne interpretuam ndeshjen shumë mirë. Në futboll çdo njeri e shikon si të dojë. Kemi qenë shumë agresivë. Luajtëm me skuadër shumë të fortë. Nuk ishim të surprizuar me formacionin, e dinim me 3 dhe ashtu e kishim përgatitur ndeshjen. Mendoj se sot meritonte të fitonte Laçi. Dhe pse 11 me 11 i dërguam në vështirësi. Morëm 1 gol te gabimi jonë, te goditje topi në zonë ku lojtari e humbi. Pastaj i kuqi i tyre dhe ata u lodhën.
Ata kanë bërë ndeshjen e tyre, ne u mbrojtëm dhe bëmë presion. Dhe mua më pëlqente 11 me 11, ishte ndeshje e bukur, Partizani skuadër e fortë dhe historike. Ne u munduam për maksimumin. Në futboll janë dy skuadra, jo vetëm një.
Gati kishte mbaruar ndeshja, po prisnim ndërrim sepse çunat ishin lodhur. Duhet të shikoja dhe shtesën. Shkoi kështu me gol në minutën e fundit, bëmë ndërrimin që ishte shumë vonë. Nuk ishte të bënim ndërrim direkt, prisnim shtesën”, u shpreh Moriero për RTSH.