Kukësi do të presë në “Kukës Arena” skuadrën e Laçit, sfidë që luhet sot në orën 15:00, java e 33-të e Abissnet Superiore. Verilindorët vazhdojnë të jenë në garë për mbijetesë, ndërsa kurbinasit kërkojnë Europën. Por historia e sfidave direkte mes tyre në këtë sezon flet për Kukësin. Në 3 ndeshje këtë sezon, djemtë e Rraman Hallaçit u kanë marrë kurbinasve plot 9 pikë.
Laçi do të synojë të ndryshojë historikun e statistikave, por nga ana tjetër verilindorët nuk kanë rrugë tjetër veçse fitoren për të mos rrezikuar më shumë në renien një kategori më poshtë.