Kategoria e Parë rikthehet në fushën e lojës, kjo pas një pauze prej më shumë se sa dhjetë ditësh për shkak të ndeshjeve të kombëtares A dhe asaj U-21, ndërsa të shtunën dhe të dielën do të luhen ndeshjet e javës së 25-të. Bylisi, që të shtunën në “Adush Muça” të Ballshit do të presë Shkumbinin, ka shansin e shkëputjes në renditje nga ndjekësit më i afërt. Bëhet fjalë për Erzenin e Nevil Dedes, që luan një transfertë të vështirë në Burrel.
Ndërkohë Korabi ka shansin e forcimit të vendit të tretë, sepse pret Lushnjën, kurse Apolonia udhëton drejt Cërrikut. E po kështu Tomori në një transfertë të vështirë në Sarandë. Ndeshje për të lënë nga pas fundin e ftohtë të renditjes mund të konsiderohen Besëlidhja – Maliqi, apo Pogradeci – Vora.
E javën e 25-të e mbyll të dielën dueli Besa – Tërbuni, dy skuadra që kërkojnë të jenë në gjashtë vendet e para në renditje me shpresën që nëpërmjet Play-off të mund të ngjiten në Superiore.
Kalendari i ndeshjeve të Javës së 25-të KATEGORIA E PARË
2 PRILL 2022
Turbina – Apolonia ora 15:00
Besëlidhja – Maliqi ora 15:00
Butrinti – Tomori ora 15:00
Korabi – Lushnja ora 15:00
Pogradeci – Vora ora 15:00
Burreli – Erzeni ora 15:00
Bylis – Shkumbini ora 15:00
3 PRILL 2022
Besa – Tërbuni ora 15:00
