Njëri prej atletëve, të cilët kanë bërë historinë në disiplinën e maratonës ka njoftuar se “New York Marathon 2025” do të jetë edicioni i fundit i një karriere plot medalje dhe rekorde.
Bëhet fjalë për Eliud Kipchoge, i cili javën që vjen bën 41 vjeç. Pas një karriere 13 vite të gjatë keniani, i cili është fitues i 16 maratonave nga 23 ku ka qenë pjesë, ka vendosur që të bëjë një hap pas.
“Nëntor, New York… Ky vend ka qenë në mendjen time për një kohë të gjatë”, tha maratonomaku për Olympics.com. “Është koha që të jem atje përpara se të nis një tjetër rrugëtim ku do të vrapoj drejt gjërave të tjera”, tha Kimchoge, i cili pranoi se gara e nesërme do të jetë pjesëmarrja e tij e fundit në një “major”.
