Java e 27-të e Abissnet Superiore nis me duelin, Laçi-Vllaznia, e cila konsiderohet një nga sfidat më të rëndësishme të kësaj jave. Edhe pse kuqeblutë nuk kanë pasur rezultate pozitive në stadiumin e Kurbinit, për ballafaqimin e sotëm, trajneri Brdariç pret të dalë me fitore nga ky duel.
Nga sa shikohet në formacionet e zyrtare, tekniku gjerman i kuqebluve i ka besuar të njëjtët emrave, me të cilët luajti të martën në “Loro Boriçi” përballë Elbasanit, ku u kualifikuar me penallti në gjysmëfinale.
Vllaznia: Jukaj, Çoba, Stojanoviç, Bajrami, Gurishta, Sala, Krymi, Deliu, Mala, Balaj, Dodaj. Trajner: Tomas Brdariç. Në krahun tjetër, në formacionin e kurbinase ka një mungesë të rëndëishme, pasi një nga lojtarët më krysor nuk është i gatshëm për trajnerin Françesko Moriero, për arsye se sot është bërë baba, duke mos qënë fare, as në stol.
Laçi: Molla, Lleshi, Tresa, Myrta, Bibo, Manellari, Prodani, Mjaki, Traore, Opeh, Kristian. Trajner: Françesko Moriero.
Ndeshja gjykohet nga Kreshnik Barjamaj kryesor duke pasur si ndihmës:Ani Koçiaj,Mario Shazivari,Erjon Bastari(Tiranë). Në VAR: Juxhin Xhaja(Tiranë), AVAr:Orlando Kuka(Tiranë). Delegat:Besnik Çela(Tiranë) Vëzhgues:Idriz Gashi(Durrës)
Fatos LAMAJ