Meksikanët e Club Leon janë përjashtuar nga Botërori i ardhshëm i Klubeve i planifikuar për në qershor në Shtetet e Bashkuara. Këtë e ka bërë të ditur FIFA në një deklaratë, duke shpjeguar se, “pas procedurave disiplinore të nisura kundër CF Pachuca dhe Club León, presidenti i Komisionit Disiplinor të FIFA-s ka vendosur t’ia referojë çështjen drejtpërdrejt Komisionit të Apelit të FIFA-s në përputhje me nenin 56, paragrafi 3 i Kodit Disiplinor të FIFA-s”.
“Pas vlerësimit të të gjitha provave në dosje, Presidenti i Komitetit të Apelimit ka vendosur që CF Pachuca dhe Club León nuk kanë përmbushur kriteret e pronësisë të përcaktuara në nenin 10, paragrafi 1 i Rregullores së Kupës së Botës të Klubeve dhe për këtë arsye, në përputhje me nenin 10, paragrafi 4, FIFA ka përcaktuar se Club Leon do të hiqet nga gara”.