Orges Shehi nuk është më trajner i Tiranës. Dy humbjet e fundit, kundër Erzenit dhe Laçit, kanë detyruar drejtuesit e Tiranës të marrin këtë vendim, të shkarkojnë Orges Shehit. Tekniku durrsak mori drejtimin e bardhebluve më 27 janar të vitit 2021 dhe vlen të theksohet se hyn në listën e trajnerëve më jetëgjatë në pankinën e Tiranës. Shehi ka theksuar se nuk është një largim nga ana e tij, por drejtuesit e kanë shkarkuar nga stoli i kryeqytetasve.
Klubi i Tiranës duket se nuk ka humbur kohë. Në median e shkruar thuhet se drejtuesit kryeqytetas do t’ia besojnë pankinën Julian Ahmatajt. Një trajner që vijon të jetë pjesë e familjes, teksa është drejtues i Akademisë bardheblu.
Bardheblutë mbajnë vendin e 4-të në tabelën e klasifikimit me 10 pikë.
