Egnatia-Partizani 0-1(Shënues: Keko 85’(p)
Egnatia:Dajsinani,Fangaj,Dylis,Xhemajli,Alijev,Aleksi,Fernando,Ujka,Lushkja,Kasa,Bakajoko Trajner:Edlir Tetova
Partizani:Hoxha,Bytyçi,Preka,Domgjoni,Buxhelaj,Mitongo,Ismaili,Taipi,Podstrelov,Bintsuka,Eleke Trajner:Skënder Gega
Gjyqtarë:Kreshnik Barjamaj,Egin Doda,Ani Koçiaj(Tiranë),Ermis Çelaj(Vlorë) Var:Olsion Yzeiraj(Patos) Avar:Juxhin Xhaja(Tiranë) Delegat:Marjus Sulejmani(Tiranë) Vëzhgues:Plarent Kotherja(Tiranë)
Partizani i drejtuar nga trajneri Skënder Gega, ka hedhur hapin e parë drejt finales së Kupës së Shqipërisë, teksa mundi në transfertë Egnatian me rezultatin minimal, 0-1.
Ndeshja e luajtur mbrëmjen e sotme në stadiumin “Arena Egnatia” është vendosur nga një penallti e dhënë në favor të të kuqëve në minutën e 85-të, e cila u shndërrua në gol nga Keko.
Përgjithësisht, ka qënë një ndeshje e luftuar, me rrogozhinasit që krijuan një volum të madh loje, krijuan raste, por pa arritur të mposhtin portierin Alban Hoxha. Nga ana tjetër, të kuqtë shfrytëzuan në maksimum mundësinë e krijuar, përfshirë edhe rastin e penalltisë.
Kjo ishte fitorja e dytë radhazi e Partizanit të drejtuar nga trajneri Skënder Gega, i cili duket se ka dhënë efektin e duhur tek të kuqtë, të cilët gjatë javëve të fundit shfaqën luhatje në lojra dhe rezultat.
Fatos LAMAJ