Pas barazimit 1-1 në transfertë ndaj Nõmme Kalju, trajneri i Partizanit, Skënder Gega, vlerësoi karakterin e ekipit dhe debutimin e disa lojtarëve të rinj, mes tyre edhe 16-vjeçarë. Ai theksoi se Skuka tregoi vlerat e tij si sulmues, ndërsa ndeshja e kthimit në “Air Albania” do të jetë vendimtare për kualifikimin. Gega u shpreh optimist, por theksoi nevojën për riparime dhe përforcime në skuadër.
“𝐍𝐝𝐞𝐬𝐡𝐣𝐞 𝐬𝐡𝐮𝐦𝐞̈ 𝐞 𝐯𝐞̈𝐬𝐡𝐭𝐢𝐫𝐞̈”
E dinim që nuk do të ishte e lehtë. Patëm një fillim të komplikuar me dëmtimin e Kekos , që na ndryshoi skemën dhe qasjen në fushë.”
“𝐊𝐢𝐬𝐡𝐢𝐦 𝐧𝐞̈ 𝐟𝐮𝐬𝐡𝐞̈ 𝐞𝐝𝐡𝐞 𝟏𝟔-𝐯𝐣𝐞𝐜̧𝐚𝐫𝐞̈”
“Nuk doja të përmendej kjo gjatë lojës, sepse nuk dua që të përdoret si justifikim. Por fakti që debutuan me Partizanin në Europë është një sinjal shumë pozitiv për të ardhmen. Na japin optimizëm.”
“𝐒𝐤𝐮𝐤𝐚? 𝐋𝐨𝐣𝐭𝐚𝐫 𝐬𝐩𝐞𝐜𝐢𝐚𝐥”
“Goli i tij erdhi nga një situatë që e kemi punuar në stërvitje. Nuk është në 100% e tij, por në zonë di të godasë si pak të tjerë. Skuka është gjithmonë rrezik.”
“𝐃𝐞𝐛𝐮𝐭𝐢𝐦𝐞 𝐭𝐞̈ 𝐭𝐣𝐞𝐫𝐚: 𝐆𝐚𝐫𝐬𝐢𝐚 𝐝𝐡𝐞 𝐊𝐚𝐫𝐥𝐨𝐬 𝐌𝐚𝐫𝐭𝐢𝐧𝐞𝐳”
“Ishte hera e parë për Garsian me fanellën e Partizanit. Në stërvitje është ndryshe, por më bëri përshtypje për mirë se u ambientua shpejt. Edhe Martinez dha sinjale pozitive.”
“𝐍𝐚 𝐝𝐮𝐡𝐞𝐭 𝐫𝐢𝐩𝐚𝐫𝐢𝐦 𝐝𝐡𝐞 𝐩𝐞̈𝐫𝐟𝐨𝐫𝐜𝐢𝐦”
“Klubi po punon. Ekipi aktual ka shumë të rinj, shumë djem me dëshirë. Por kemi nevojë për të përmirësuar strukturën. Mungesat si ajo e Isgandarlit për arsye pasaporte na dëmtuan.”
“𝐌𝐚𝐥𝐚𝐣, 𝐇𝐢𝐦𝐚𝐥𝐥𝐚𝐫𝐢 𝐝𝐡𝐞 𝐕𝐚𝐭𝐚?”
“Kanë parametra shumë të mirë dhe janë baza e së ardhmes. Do të marrin minutazhin që meritojnë. Ne si staf kemi besim të plotë tek ata.”
“𝐓𝐚𝐧𝐢 𝐠𝐣𝐢𝐭𝐡𝐜̧𝐤𝐚 𝐯𝐞𝐧𝐝𝐨𝐬𝐞𝐭 𝐧𝐞̈ 𝐀𝐢𝐫 𝐀𝐥𝐛𝐚𝐧𝐢𝐚”
“Avantazhi është te shtëpia. Do të kemi mbështetjen e tifozëve, dhe besoj që stadiumi ynë do na japë energjinë që na mungoi. Jemi vetëm në pjesën e parë të betejës. Do japim gjithçka për të kaluar më tej” u shpreh Gega
