Rreth një orë na ndan nga starti i sfidës, Shiroki Brijeg-Vllaznia, takim ky i vlefshëm për kompeticionin europian, Turi i parë i “Conference League”. Takimi në fjalë luhet në “Pecara Stadium” duke filluar nga ora 21.00. Pasi ka konsumuar një ditë më parë seancën e fundit stervitore po në këtë stadium, kuqebluitë janë rikthyer pak minuta më parë përsëri në këtë impiant sportiv, por tashmë për të betejen zyrtare, Shiroki Brijeg-Vllaznia.
Ndërkohë që skuadra ka bërë ritualin e zakonshëm siç e bëjnë të gjitha skuadrat duke shkelur në tapetin e fushës së lojës me të mbërritur në stadium, tekniku gjerman i Vllaznisë, Thomas Brdariç, ka dorëzuar pranë vëzhdusit të ndeshjes formacionin zyrtar.
Ashtu siç pati deklatuar edhe në konferencën e shtypit, Brdariç pati deklaruar edhe në konferencën e shtypit, Brdariç i ka besuar nga minuta e parë atyre futbollistëve që aktivizoi në ndeshjet testuese miqësore të zhvilluar në Podgoricë dhe Zllatibor.
Në portë është malazezi, Zogoviç, për të vijuar me repartin e mbrojtjes, në të djathtë Gurishta, Adili dhe Imami në qëndër dhe Bulatoviç në krahun e majtë. Në mesfushë do të luajnë, Krymi, Kaleziç, Jonuzi dhe Kruja, ndërkohë që vija vulmuese i është besuar dyshes Hoxhaj, Dilaver.
Gjithnjë, nga protokolli i dorëzuar nga drejtuesit e Vllaznisë, të gatshëm në pankinën kuqeblu janë portjeri Qarri, për të vijuar me Shimën, Palokën, Smajlin, Fangaj, Kalaja, U. Hoxha, Da Silva, Latifi, Djurdjeviç, Çoba, Radovani.