Në mars, mesfushori francez do të jetë në gjendje të rikthehet në fushën e futbollit pas skualifikimit të tij për doping
Paul Pogba mund të riniset nga Galatasaray. Këtë e ka konfirmuar media turke Sabah e cila ka nënvizuar sesi agjentët e francezit tashmë kanë kontaktuar me klubin e Stambollit, të paktën për t’u stërvitur me Mertens dhe shokët e tij. Megjithatë, edhe Olimpiku i Marsejës mbetet në sfond dhe e ka propozuar veten disa herë për francezin.
Në mars, mesfushori francez do të jetë në gjendje të rikthehet në fushën e futbollit pas skualifikimit të tij për doping. Gjatë fundjavës, mediat evropiane raportuan për një interesim të mundshëm të Manchester City. Guardiola, sipas këtyre thashethemeve, është në kërkim të një mesfushori me eksperiencë, të aftë për të dhënë një ndikim të menjëhershëm në skuadër.
Pogba, edhe pse me karakteristika të ndryshme nga Rodri, mund të përfaqësojë një opsion të vlefshëm për të forcuar mesfushën e “Qytetarëve”, sidomos në mungesë të mesfushorit spanjoll. Në të njëjtën kohë, ëndrra për ta parë të luajë në Ligue 1 vazhdon të qarkullojë, me Marsejën si destinacion të mundshëm.
