Franca duhet të bëjë të pamundurën nesër kundër Kroacisë. Në “Stade de France” blutë duhet të rikuperojnë dy golat e pësuar në ndeshjen e parë në Split nëse duan të kalojnë në gjysmëfinale të Ligës së Kombeve.
Trajneri Didier Deschamps ka folur në prag të ndeshjes: “Forca, dëshira, do të jenë aty. Duke qenë në fushën tonë, para 80 mijë tifozëve… Duhet të jemi efikas dhe të papërshkueshëm në mbrojtje. Ne e dimë se çfarë objektivi është në lojë”.
Për ekipin që do të dalë në fushë – “Po, do të ketë ndryshime. Por jo domosdoshmërisht në pozicionet që mendoni”.