Në ditën e parë të vitit 2025, Arsenali fiton me përmbysje në fushën e Brentford për llogari të javës së 19-të të Premier League. Vendasit kaluan në epërsi pas 13 minutash me Mbeumo, por Topçinjtë barazuan pas gjysmë ore lojë me Gabriel Jesus.
Në fillimin e pjesës së dytë një-dy vdekjeprurës me Merino dhe Martinelli që vendosën rezultatin përfundimtar në 1-3. Me këtë fitore, Arsenali ngjitet në vendin e dytë i vetëm me 39 pikë, gjashtë pikë më pak se lideri Liverpool, me të kuqtë gjithashtu që kanë një ndeshje për të rikuperuar.
