Presidenti i KF Vllaznia, Alban Xhaferi i shoqëruar nga stafi i tij ka zhvilluar një takim në Federatën e Futbollit në kuadër të procesit të licencimit të 10-të klubeve të kampionatit “Abissnet Superiore.
Gjatë bisedës me prfaqësues të Departamentit Ligjor dhe të Licencimit të klubeve pranë FSHF-së, është diskutuar mbi mënyrat e përmbushjes së gjashtë kritereve kryesore të licencimit të klubeve, mes të cilave edhe ai kuqeblu.
Afati i fundit për dorëzimin e dokumentacionit të nevojshëm është 31 mars 2025 dhe brenda kësaj periudhe, klubet aplikante duhet të plotësojnë këto kriteret: sportiv, përgjegjësia sociale dhe mbrojtja e mjedisit, infrastruktura, administrata dhe personeli, ligjor dhe financiar.
Në vazhdim, Departamenti Ligjor dhe i Licencimit të klubeve në FSHF ka programuar takime të tjera dypalëshe me klubet, për të përmbyllur me sukses këtë proces të rëndësishëm.
