Me këtë frymë do të nis dhe ndeshja e sotme mes Flamurtarit dhe Tiranës,skuadra të cilat do të përballen në javën e 30-të të “Abisnet Superiore” sonte në mbrëmje në orën 19:00.
Të gjendura në zonën e ftohtë dhe me diferenca pikësh lehtësisht të kapërdishme, Flamurtari do të pres në stadiumin “Flamurtari” Tiranën që vjen nga një seri prej dy fitoresh radhazi.
Një finale e parakohshme e cila rrit presionin në të dyja kampet,edhe pse Tirana vjen më e avantazhuar për shkak të formës që ka treguar në javët e fundit dhe për faktin se tek skuadra e trajnerit Orges Shehi priten dy rikthime të rëndësishme në sulm si Xhixha dhe Tabeku.
Sfida e Vlorës “Flamurtari”-“Tirana”, është e para dhe e vetmja që do të luhet sot në kuadrin ne javës së 30-të të kategorisë Abissnet Superiore.
Tre takime të tjera, Egnatia – Bylis, Partizani – Vllaznia, Dinamo City – AF Elbasani, luhen nesër, ndërkohë që FK Vora – Teuta, që mbyll javën e 30-të të Superiores, luhet nesër, ora 15:00, në stadiumi “KF Vora”.
Fatos LAMAJ
