Pak ditë me parë ishte në “Elbasan Arena” duke spikatur si titullar në formacionin e kombëtares U-19 të kombëtares irlandeze, për ndeshjet kualifikuese të Grupit 13 të Europianit U-19, ndërkohë , me t’u kthyer në Skoci, aty ku jeton prej vitesh familja e njohur sportive e Rudi Vatës jeton, Rokon e priste skuadra e tij Sëlltik për ndeshjen e radhës në kampionatin e 21 vjeçarëve.
Në sfidën që Sëlltik U21 pati me Brajton U21, Roko Vata, djali i ish kapitenit të mirënjohur të kombëtares kuqezi, Rudi Vata, shkëlqeu në fushën e lojës. Përpos rendimentit maksimal që ai dha për skuadrën e tij, 18 vjeçari i talentuar, Roko Vata, arriti të shënojë në portën kundërshtare. Kjo ndodhi në minutën e 56-të pas një inkursioni në zone dhe gjuajtjes së saktë të Rokos duke dëshmuar edhe një herë për vlerat dhe potencialin që ai disponon si futbollist.
