Federata Shqiptare e Futbollit ka mbyllur sot kursin e Fitness B, kurs në të cilin u trajnuan edhe dy trajnerët shkodranë, Rudi Piraniqi dhe Fatjon Kadija.
Dy trajnerët shkodranë janë prej kohësh në aktivitet të plotë në fushën e futbollit, dhe diplomimi në kursin e Fitness B, është padyshim nja element më shumë profesional në rrugëtimin e tyre në shërbim të futbollit.
Më herët, Rudi Piraniqi, i cili është trajner futbolli pranë KF Shkodra, kampion i Shqipërisë U15 2024-2025, është diplomuar edhe me liçensen UEFA Pro, kategoria më e lartë e trajnimit në futbollit, e vlefshme jo vetëm në Shqipëri, por edhe jashtë saj.
Po ashtu, edhe për Fatjon Kadinë, i cili së fundmi është në cilësinë e trajnerit të përgatitjes fizike dhe atletike pranë KF Vllaznia, më herët ka pasur edhe trajnime të tjera në kurset pranë FSHF-së.
