Vllaznia do të përballet ditën e nesërme me Laçin për ndeshjen e javës së parafundit të Superiores. Një ndeshje si finale për të dy skuadrat që kërkojnë Europën. Në prag të këtij takimi, trajneri Goçe Sedloski ka dalë në konferencën për shtyp ku foli për lojtarër e tij dhe te kundërshtarët:
“Kam folur me lojtarët, ata janë shumë pozitiv dhe shpresoj që të bëjnë atë çfarë duhet bërë dhe ta fitojmë këtë ndeshje. Ne duhet të shohim vetëm veten tonë, ashtu siç bëjnë planet e tyre edhe kundërshtarët tonë.
Teuta luan me Egnatian por unë u kam thënë lojtarëve të mi që të mos ndikohen nga fjalët që qarkullojnë. Të jenë të fokusuar vetëm tek sfida jonë ndaj Laçit. Nuk duhet t’i shohim fare se çfarë bëjnë rivalët tanë”, u shpreh Sedloski.
