Sunday, May 19, 2024

Colella: “Besojmë deri në fund, shpresojmë që Tirana të gabojë”

Lexo

Dy javë përpara fundit, me vetëm dy pikë larg kreut, Partizani as që ka ndërmend të dorëzohet. Në prag të ndeshjes ndaj Kastriotit, trajneri Giovanni Colella doli para mediave ku analizoi ndeshjen e radhës dhe u ndal te Tirana që shpreson të bëjë hap të gabuar:

Gjendja e skuadrës? Nuk kemi probleme të veçanta. Nuk kemi asnjë problem.

Rikuperimi i Bilalit? Bilali ka pasur probleme fizike, asgjë serioze.

2 javë kampionat? Nëse jemi atje dhe fitojmë, sigurisht që ne besojmë. Ne do ta bëjmë deri në fund. Presioni është diçka normale në këtë pikë. Kush nuk ka presion, nuk mund të bëjë as detyrën e trajnerit as të lojtarit.

A e ndal Bylisi Tiranën? Pse jo, mund të ndodhë. Unë nuk bëj llogari për të tjerë por për vete. Në futboll gjithçka mund të ndodhë.

Llogaritë? Duke parë që kanë mbetur edhe 2 ndeshje është normale të ketë llogari të tilla. Duke mos e fituar derbin, kemi mundësi të bëjmë llogari për kundërshtarin. Kush është ndjekës bën llogari e kush kryeson jo. Janë 3 skuadra për mbijetesë dhe një përballet me ne e tjetra me Tiranën.

Presioni? Presion nuk kemi vetëm në këtë moment por kemi pasur gjithë kampionatin. Është diçka normale.

Kastrioti i dorëzuar? Nuk e kam dëgjuar Çelën por edhe unë kam thënë më parë nuk jemi në luftë për titull. Mund të ndodhë gjithçka por ne që jemi ndjekës na mbetet vetëm të shpresojmë.

Vendi i dytë? Në kampionat janë 36 ndeshje dhe patjetër që është vend që e meritojmë. Në një kampionat kaq të gjatë, nëse përfundojmë në vendin e parë ose të dytë, bëhen llogari në fund dhe kudo që të renditemi, e kemi merituar për atë që kemi dhënë. Ndoshta ka një specifikë më të veçantë në Kupë dhe jo në kampionat.

A ju kënaq vendi i dytë? Jo, nuk mund të më kënaqë por nëse e meritojmë do të qëndrojmë. Në jetë ka shumë objektiva të cilat shpesh herë nuk arrijmë që të realizohen dhe janë gjëra që ndodhin në jetë. Me vendin e dytë nuk jam aspak i kënaqur. Por sigurisht duhet bërë edhe një analizë e thellë për çfarë kemi dhënë gjatë sezonit.

Kalendar i favorshëm? Kush e thotë këtë? Nuk mendoj se stadiumi bën diferencë dhe kalendari bën diferencë për 2 ndeshje. Kalendari ka 36 ndeshje dhe jo vetëm 2 ndeshje. Kështu bëhet analizimi i kalendarit gjatë gjithë sezonit dhe nëse më pyesni në konferencë se mos e kemi humbur pikën  në dy ndeshjet e fundit, do të thoja në vazhdim të kampionatit. Këtë do ta diskutojmë të hënën pas ndeshjes.

Koha për përgatitje? Është e njëjta kohë, si për ne ashtu edhe për ata. Dy ditë të dy kemi pasur. Është analizë që bëhet gjatë gjithë vitit.

Mba e Da Silva? Mbash shumë vitesh je në gjendje të kuptosh diçka dhe të kuptosh se çfarë bëhet mirë e çfarë jo. Nuk mendoj se ka një fenomen por gjatë merkatos së janarit larguam Skukën dhe morën Selmanin që u dëmtua dhe jemi për të tretën herë që punojmë në sulm. Sipas meje në këtë pikë kemi bërë një punë mjaft të mirë.

Ndjekja e ndeshjeve të tjera? Nuk është se shkoj shpesh por shkoj më shumë për të parë lojtarë. Për ne është normale në punën tonë që të shohim jo vetëm ndeshje por edhe elementë. Në moment kur jam në pauzë, shikoj të shoh kolegët e mi. Është mirë që trajneri të përmirësohet dhe këtë e kam bërë gjithë jetën time. Nuk është qëllimi që të ndjek vetëm kundërshtarët por të ndjek edhe ambientin. Është normale të shohësh ndeshjet e të tjerëve dhe të përmirësohesh. Kam parë edhe ndeshje të moshave.

Keko i Korabit? Mendoj se është shumë i mirë. Jam i kënaqur që kemi bërë një zgjidhje të tillë në janar dhe zgjedhja e Kekos është për vazhdimësi. Partizani duhet të investojë kohë dhe para në lojtarët vendas”, u shpreh Kolela.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img