I larguar prej vitesh në Shtetet e Bashkuara të Amerikës së bashku me familjen e tij, ish handballisti kampion me Vllazninë, Gentian Kiri, një lojtar i kombëtares kuqezi, si dhe me një karrierë të suksesshme edhe në Europë, pasionin për sportin e ka vijuar edhe përtej oqeanit.
Prej kohësh, Genti është pjesë e ekipit të futbollit Alb Naples, i cili konkuron në kampionatin amerikan të moshës mbi 45 vjeç, ku ekipet janë me nga 7 lojtarë në fushë dhe ndeshjet luhen në fusha të rregullta futbolli me pjesëmarrjen e ekipeve: Alb Naples, Gulf Coast United, Manchester United, Miller Dental, Naples Fc, Inter Naples Fc.
Me një shtatlartësi të konsiderueshme, dhe falë edhe vlerave të shfaqura në fushën e lojës, drejtuesit e klubit i kanë besuar Gentit shiritin e kapitenit të skuadrës.
Javën e kaluar, skuadra e tij, Alb Naples, fitoi gjysmëfinalen e Play-Off kundra Manchester United me rezultatin 4-1 duke u kualifikuar në finale.
Sfida finale e luajtur në Kompleksin sportiv North Collier Regional Park, në mes ekipit të Kirit, Alb Naples dhe Gulf Coast, një skuadër që ka fituar shumë turne gjatë viteve të fundit, u shoqërua me shumë rivalitet dhe emocione, për të cilën flet vetë rezultati i barabartë, 3-3, në kohën e regullt.
Edhe pas kohës shtesë, nuk ka ndryshim të rezultatit, dhe, për të vendosur ekipin kampion, është dashur gjuajtja e penalltive.
Në ekzekutimin e 11-metërshave, Alb Naples e shkodranit Genti Kiri është treguar më e sakë duke realizuar shtatë të tillë, ndaj 6 të kundërshtarit, Gulf Coast duke u shpallur kampion për sezonin 2024-2025.
Foto që shoqëron shkrimin ka të fiksuar protagonistët e suksesit të ekipit kampion Alb Naples, ku lojtarët e ekipit, nga e majta në të djathtë, janë:
1-ALDI Ferko nga Fieri, mbrojtës
2-Petrit Xhaho nga Devolli mbrojtës 3-Astrit Dervishi nga Kuçova, sulmues ish lojtar i Naftëtarit
4-Gentian Kiri nga Shkodra, mesfushor, kapiten i ekipit
5-Toni Zhezha nga Tirana, sulmues ish lojtar i grupmoshave të Tiranës
6-Adi Karapici nga Tirana, mbrojtËs, njëkohësisht mbështetës kryesor i ekipit
7-Aleksi nga Kolumbia, portier i ekipit
8-Felipe nga Peru, qëndër mbrojtës Rreshti poshtë
1- Amarildo Myslymi nga Tirana, qëndërmbrojtes, ish futbollist i grupmoshave të Tiranës.
2-Costel nga Rumania, mbrojtes
3-Edmond Kushi nga Durrësi, mesfushor
4-Sebi nga Rumania, mbrojtës
5-Jorge Reina Mar nga Kolumbia, mbrojtës.
Gaspër MARKU