Shqipëri-Jordani 4-2
Formacioni i Shqipërisë: Dajsinani (GK), Balliu, Mihaj, Gjimshiti (C), Mitaj, Bajrami, Shehu, Asllani, Asani, Daku, Hoxha. Trajner: Silvinjo
Kombëtarja shqiptare dhuroi spektakël në ndeshjen miqësore në “Air Albania” ndaj Jordanisë, duke fituar me përmbysje dhe me një rezultat të thellë 4-2.
Golat për Shqipërinë u shënuan nga Nedim Bajrami, Armando Broja, Arbër Hoxha dhe një autogol nga Abualnadi.
Trajneri Silvinjo e nisi me këtë formacion titullar: Dajsinani (GK), Balliu, Mihaj, Gjimshiti (C), Mitaj, Bajrami, Shehu, Asllani, Asani, Daku, Hoxha.
Miqtë kaluan në avantazh në minutën e 27-të me Al Rashdan, i cili përfitoi në zonë dhe goditi saktë me kokë.
Pavarësisht golit të pësuar, reagimi i Shqipërisë ishte i menjëhershëm. Barazimi erdhi në minutën e 40-të, pas një inkursioni të Bajramit nga e majta, ndërsa pasimi i tij u devijua në rrjetë nga Abualnadi.
Pjesa e dytë ishte një festë e vërtetë për kuqezinjtë, ku krahas të tjerave, meriten kryesore e kishin Armando Broja dhe Arbër Hoxha, të cilët me veprimet dhe golat mjeshtrorë të shënuar për portën jordaneze, morën duatrokitje të shumta nga tifozët kuqezi.
Kuqezinjtë e nisin me të njëjtin ritëm por këtë radhë është Shqipëria ajo që dominon totalisht pjesën e dytë ndërsa Jordania ndoshta kishte menduar se ndeshja kishte mbaruar.
Trajneri Silvinjo u jep mundësinë lojtarëve si: Hysaj, Cake, Aliji, Ramadani, Gripshi dhe Broja për të dhënë më të mirën e tyre dhe ndeshja mer tjetër fytyrë. Golin e përmbysjes e realizon Broja pas një aksioni mjaftë të bukur.
Ndërsa minutat kalonin është Hoxha i cili pas një aksioni model lëshon një predhë nga jashtë zonës dhe topi përfundon në rrjetë.
Për ti vënë vulën spektaklit në pjesën e dytë do të mendonte Bajrami pas një topi të kthyer brenda zonës.
Ndërsa ndeshja ishte drejtë fundit Jordania ngushton shifrat në 4-2 por një gol sa për statistikë sepse e gjithë ndeshja mbyllet mes një spektakli të vërtet me fitoren e Kombëtares tonë.
Fatos LAMAJ
