Korçarët kanë triumfuar me rezultatin 1-0 përballë kampionëve në javën e 26-të të “Abissnet Superiore”.
Korçarët kanë dominuar përballë rrogozhinasve, të cilët nuk u shfaqen thuajse asnjëherë rrezikshëm para portierit Alia në një paraqitje shumë larg atyre që kanë dhuruar në 9 ndeshjet e fundit ku kanë shënuar vetëm fitore.
Gjithçka u vendos në pjesën e dytë nga një penallti e kthyer në gol nga Nikaj duke siguruar tre pikët që i nevojiten për të ringjallur luftën për mbijetesë. Ndërsa Egnatia ka krijuar një avantazh të ndjeshëm që ia mundëson edhe këto luhatje pa humbur kreun e klasifikimit.