Tirana ruan pozitat në vendin e parë. Partizani bën lojë, por fitorja shkon për Kukësin. Dinamo dhe Vllaznia ndajnë pikët, Laçi e Skënderbeu me fitore. Java e 14-të e Abissnet Superiore në emisionin “Rubrika Sportive” në RTSH me analizën e të përhershmit, Shkëlqim Muça.
Suksesi bardheblu – “Tirana e kishte ndërtuar mirë ndeshjen, trajneri Shehi tregohet inteligjent, e ndërton skuadrën në varësi të kundërshtarit. Tirana është ekip me personalitet, ka aktivizuar dhe lojtarët e rinj, të cilët janë gati kur ka mungesa. Kampionati është i gjatë, duhen shumë lojtarë. Për Teutën mendoj se nuk ishte një ndeshje e keqe, bëri lojën e saj, ato raste që u krijuan nuk u shfrytëzuan. Mendoj se Tirana fitoi një ndeshje të vështirë, ka krijuar një atmosferë të mirë para derbit”.
Loja e Partizanit dhe fitorja e Kukësit – “Partizani, ndryshe nga ndeshjet e tjera, luajti më mirë. Dilte shumë shpejt në sulm dhe e vuri në vështirësi Kukësin. Mendoj se mund ta kishte mbyllur ndeshjen që në pjesën e parë. Nuk e di se çfarë ndodhi më pas, Partizani ra, ndërsa Kukësi vazhdoi me të njëjtin ritëm. Të kuqtë humbën një ndeshje për faktin se nuk ishin të saktë”.
Ecuria e Laçit – “Laçi po bën detyrën, është futur te skuadrat që pretendojnë, rezultatet krijojnë një tjetër atmosferë në skuadër. Në një situatë të tillë edhe për trajnerin bëhet më e lehtë. Është një skuadër që e ka kontigjentin e mirë. Nuk mund të thuash se është për kampion, por është për zonën e Europës. Janë me këmbë në tokë dhe po bëjnë mirë. Mendoj se do jetë gjithmonë te katërshja e kreut”.
Barazimi i Dinamos me Vllazninë – “Dinamo ishte më ndryshe se herët e tjera, kishte më shumë mundësi, kishte dëshirë, sulmoi më shumë nga krahët. Për Vllazninë ishte një nga ndeshjet e dobta që ka zhvilluar. Për 70 minuta ishte dobët, më pas e shtoi presionin. Por mendoj se të dyja skuadrat bënë shumë pak për të fituar ndeshjen”.
Skënderbeu, lojë dhe rezultat – “Skënderbeu ka fituar dy ndeshje shumë të rëndësishme, me Egnatian dhe Kastriotin, janë pikë dyfishë, sepse janë fitore me rivalë direkt. Skuadra bën edhe lojë, dy mbrojtësit e qendrës i vlerësoj shumë. Mendoj se korçarë
