Ndërkohë që skuadra kuqeblu po përgatitet për ndeshjen Vllaznia-Kukësi, takim ky i vlefshëm për javën e 15-të të Kategorisë Superiore, drejtuesit e KF Vllaznia njoftojnë se kanë nxjerrë që sot në treg biletat për ndeshjen në fjalë.
Nga sa bëhet e ditur, çmimet e biletave për këtë ndeshje, të cilat do të shiten edhe online, do të variojnë nga 200 lekë deri në 1500 lekë. Më saktësisht, çmimet e biletave për secilen tribunë janë të saktësuara në tabelën grafike që shoqëron informacionin në fjalë.
NJOFTIM
“Duke filluar nga sot ka nisur shitja online e biletave të ndeshjes Vllaznia- Kukësi e cila luhet ditën e enjte në orën 16.45 në stadiumin “Loro Boriçi”. Biletat mund t’i blini duke klikuar në linkun e mëposhtëm:
Ndërkohë nga nesër do të nisë shitja e biletave në sportelet pranë stadiumit të cilat do të jenë të hapura në këto orare:
Të mërkurën 10.00- 17.00
Të enjten 10.00 deri në orarin e ndeshjes.
Eja edhe TI!”, thuhet në njoftimin në fjalë.
Sfida, Vllaznia-Kukësi, që konsiderohet edhe takimi më i rëndësishëm i javës së 15-të të Kategorisë Superiore, do të luhet ditën e enjte në stadiumin “Loro Boriçi” duke filluar nga ora 16.45.
