Ditën e sotme do të luhen dy ndeshjet përmbyllëse të javës së 28-të të “Abisnet Superiore”. Dy sfida mjaftë interesante në të cilat luhet1 për kreun e renditjes,mbijetesën dhe “Final-Four”.
Kukësi do të presë në shtëpi Vllazninë. Shkodranët janë në super formë dhe në rast fitoreje do të shkojnë në vendin e parë,duke u shkëputur me 1 pikë nga Egnatia. Në krahun tjetër Kukësi kërkon “pikë jetike” duke shpresuar ende te mbijetesa. Kujtojmë që ndeshja në “Kukës Arena”, do të startojë në orën 14:00.
Kukësi:Tafas,Duka,Zhongo,Lala,Selita,Mingos,Fejzaj,Hasaj,Salami,Beshiraj,Solodovnikov Trajner:Bledar Devolli
Vllaznia:Mehidri(Jukaj),Sala,Stojanoviç,Juriç,Hakaj,Alivoda,Boshnjaku,Mala,Gruda,Balaj,Çoba Tranjer:Qatip Osmani
Gjithashtu sot do të luhet edhe derbi mes Tiranës dhe Dinamos. Bardheblutë do të përballen me dinamovitët në “Air Albania”. Një derbi jo vetëm si skuadra kryeqyteti,por është derbi në të cilin luftohet për “Final-Four”. Kjo sfidë do të startojë në orën 17:00.
Tirana:Kozi,Haxhiu,Lulaj,Najdovski,Përgjoni,Jonuzi,Deliu,Lushkja,Latifi,Nikqi,Abazaj Trajner:Erbim Fagu.
Dinamo:Sali,Marku,Hoxha,Behiratçe,Loran,Andoni,Qefalija(Smaçi),Zabërgja,Denison,L.Vila,Kaçorri Trajner:Dritan Mehmeti.
Fatos LAMAJ
