Finalja ndaj Egnatias për Superkupën e Shqipërisë ishte sfida e fundit e Emiljano Çelës në krye të Kukësit. Kështu të paktën flitet në burimet pranë trajnerit Çela. Destinacioni i tij i ri pritet të jetë Besa e Kavajës, me të cilin thuhet se presidenti Bizhdili ka bërë një bisedë paraprake me teknikun Çela për t’i besuar drejtimin e skuadrës pas largimit të ish trajnerit Mirel Josa.
Humbja e Superkupës me Egnatian 2-0, duket se e bën disi më të lehtë shkëputjen e Emiliano Çelës nga klubi kuksian, por gjithësesi një gjë e tillë mbetet për tu zyrtarizuar në orët në vazhdim, pa snjë takimi kokë më kokë mes trajnerit Çela dhe administratorit të FK Kukësi, Florian Biba.
Fatos LAMAJ