Teuta mundi Tiranën 2-1 me përmbysje, në takimin e Superiores të luajtur në “Niko Dovana”.
Beshiraj tundi rrjetën e Selmanit që në minutën e 4-t por goli u anulua për pozicion jashtë loje. Ndeshja u zhbllokua në minutën e 13-të. Ernest lëvizi mjaft mirë në zonë dhe shërbeu për Zharmuni, i cili nga fare pranë nuk fali dhe dërgoi topin në rrjetë. Goli u anulua për pozicion jashtë loje, por u cilësua i rregullt, pas konsultimit me sistemin VAR. Por festa nuk iu zgjati shumë pasi Simeu shfrytëzoi në maksimum një krosim nga goditja e këndit duke barazuar shifrat.
Në minutën e 61, ekipi kryeqytetas shfaqet rrezikshëm me një zbritje të shpejtë të Zharmuni, por e vëmendshme mbrojtja kundërshtare, duke larguar topin. Teksa dukej që sfida do të mbyllej barazim, Kotobelli fiton penallti dhe Lloci e realizon.
Kështu Teuta parakalon Tiranën duke u ngjitur në vendin e 8-të, ndërsa Tirana e vendit të nëntë ka një pikë më pak.