Tifogrupi më i madh i Tiranës, “Tirona Fanatics” festojnë ditën e lindjes me një postim te veçantë të publikuar ne rrjetet sociale. Nëpërmjet nje videoje ku tregohet përgatitja e banderoles që u shfaq në derbin e fundit sezonal, mbështetësit më të zjarrtë të klubit bardheblu që festojnë 16 vjetorin e tifogrupit, theksojnë se fjalët janë shumë pak për të përshkruar këtë rrugëtim unikal.
“Duke ecur të sigurtë drejt të ardhmes me brezat e ri, e duke kthyer kokën gjithmonë pas me krenari për brezat e tjerë, duke kujtuar gjithmonë ata që nuk jetojnë më, TF zotohet se do te vazhdojë të prijë e të pasurojë tifoskenën ultras mbarë Shqiptare me leksione e spektakël ashtu siç dimë të bëjmë vetëm ne. TF zotohet se do të vazhdojë të jetë UNIVERSITETI I VETËM ULTRAS në Shqipëri. Duke falenderuar Zotin që na krijoi bardheblu dhe Fanatics, urojmë të gjithë antarët, gëzuar 16 vjetorin”, theksohet në postim.
16 vjetori i krijimit të tifogrupit bardheblu koinçidon në një moment shumë të vrëndësishëm të Kategorisë Superiore. Ballafaqimi i parë i skuadrës bardheblu për vitin 2022 do të jetë me datë 15 janar në “Air Albania” përballë Vllaznisë në kuadrin e javës së 16-të të Superiores.
Përpos duelit në fushën e lojës mes dy skuadrave më me histori në futbollin shqiptar, pritet të jetë një duel tjetër po aq i fortë edhe në shkallët stadiumit “Air Albania”. Kjo, pasi Vllaznia pritet të shoqërohet në këtë transfetë me një numër rekord tifozësh kuqeblu, çka do ta bëjë sfidën edhe më interesante.