Tjetër humbje e Vllaznisë në Volejboll Femra. Pas Partizanit dhe Skënderbeut, e mund edhe Tirana 3-0

Lexo

Mbrëmja Gala “Më të mirët 2022”. Nga Vllaznia e futbollit femra, tek Gurishta dhe Hakaj, në formacionin e vitit, Shkodra me përfaqësim dinjitoz për...

Futbolli shkodran, për femra dhe meshkuj, pritet të ketë një përfaqësim dinjitos në mbrëmjen gala që Federata Shqiptare e...

(Pas ndeshjes) Xhevahir Kapllani, shpreh keqardhje për humbjen e Erzenit me Tiranën: Nuk ishte për 0-2!

Erzeni ka qënë dhe është një nga skuadrat më simpatike të Superiores së futbollit shqiptar, i cili me të...

(Pas ndeshjes) Mposhti Erzenin në transfertë, 0-2. Trajneri Shehi: Ekipi tregoi karakter!

Tirana, ia doli të fitonte 0 me 2 në transfertë me Erzenin në një ndeshje shumë të dyluftuar, për...

Tirana-Vllaznia 3-0

( 25-23, 25-19, 25-17)

Vllaznia: Paola Gjyshja, Klea Miloti, Laura Ballçiti, Edna Erkoçi, Sarah Beci, Liridona Kodra, Hanna Kniazeva, Dayra Auramchyk, Liobov Pronina, Sara Malaj. Trajner: Besnik Lisha

Tirana: Dhimitra Kole, Stela Agolli, Xhenifer Pira, Denisa Bushati, Leda Preçetaj, Uerda Ndoj, Kejda Kodra, Stela Kiri(L), Kejsi Shira, Alisa Ibrahimi, Anastasia Atepalina, Lidia Vokopola, Livia shehi(L), Silda Doka. Trajner: Amarilda Sijoni

 Gjyqtarë: Igli Feshti, Enri Zenullari

Vllaznia në volejboll për femra nuk po kalon ditë të mira. Ndryshe nga sa parashikohej, që skuadra kuqeblu të ishte lider e kampionatit, situata po flet në mënyrë të kundërt.

Të paktën, kështu janë treguesit e tre javëve të para të kampionatit. Në javën e parë e mund Partizani në transfertë 3-1, humbje në shtëpi për javën e dytë me Skënderbeun e Korçës 1-3, ndërkohë që sot është mundur përsëri, këtë radhë me rezultatin 3-0 nga Tirana në transfertë.

Bazuar në lojën e mirë që zhvilloi një javë më parë ndaj kampiones Skëndërbeu në pallatin e sportit “Qazim Dervishi”, ku edhe pse u mund 1-3, paraqiti vlera në fushën e lojës, Vllaznia dha sinjale që në përballjen e sotme ndaj Tiranës të ishte ndryshe.

Tifozëria kuqeblu, e cila duhet thënë se po e mbështet Vllazninë e femrave, priste fitoren e parë në përballjen e sotme me Tiranën. Por, ndodhi e kundërta. Skuadra bardheblu e drejtuar nga trajnerja Amarilda Sijoni, ka dominuar totalisht ndaj Vllaznisë dhe në harkun kohor të 1 ore dhe 15 minutave ka mbyllur gjithçka duke e mundur skuadrën kuqeblu me rezultatin e pastër 3-0.

Vllaznia e drejtuar nga trajneri Besnik Lisha ka mundur të rivalizojë vetëm në setin e parë kur është mundur me shifrat 25-23, ndërkohë që në dy të tjerët, setet janë mbyllur me diference, 25-19 dhe 25-17.

3 ndeshje, 3 humbje është një bilanc negativ në këtë fillim kampionati, çka nuk përligj aspak investimet e presidentit Florian Zekja në kampin kuqeblu. Ardhja e tre volejbollisteve të huaja, ruse dhe bjelloruse u konsiderua si arma më e fortë e Vllaznisë për këtë sezon duke shkuar deri aty sa kuqeblutë të deklarohen pretendenti kryesor për fitimin e titullit kampion.

Por, me sa duket, mos-harmonizimi sa duhet dhe si duhet i volejbollisteve të huaja në raport me pjesën tjetër të skuadrës që mbylli sezonin e kaluar, mund të ketë çuar në prishjen e ekuilibrave në skuadër.

Drejtuesit mund ta argumentojnë në forma të ndryshme, por për hirë të së vertetes, diçka nuk shkon në këtë mes. Largimi i një pjese të rëndësishme të skuadrës, me kapitenen Zhivani, Kirin, Kodrën, Mikolupan, dhe së fundmi edhe Mandisa Kuçin, përpos se e kanë dobësuar forcën e skuadrës, nuk ka tingëlluar fort mirë në opinionin sportiv, jo vetëm atë shkodran, por edhe kombëtar. Ndaj, ndoshta është momenti i nevojshëm për ta riparë edhe një herë situatën më me qetësi sa nuk është vonë, në mënyrë që Vllaznia e volejbollit të femrave të shfaqet ashtu siç e dëshiron dhe e pret publiku shkodran dhe më gjërë.

Gaspër MARKU

 

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

Hasani, “zëvendëson” Xhixhën, i shënon dy gola Erzenit. Tirana, nis shkëputjen në krye të Superiores!

Erzeni-Tirana 0-2(Shënues: Hasani 83’, 90’+6’)Ashtu siç u parashikua, ndeshja e mbrëmjes, Erzeni-Tirana, e fundit për javën e 18-të të Kategorisë Abissnet ishte padyshim më...
- Advertisement -