Kuinci Promes është ndaluar nga autoritet e Dubait për llogari të shtetit holandez. Mësohet se lojtari i Spartakut të Moskës, mbi të cilin rëndon akuza e trafikut të drogave të rënda, shumë shpejt do të ekstradohet në vendlindje, Holandë.
Sipas “NL Times” Promes udhëtonte i qetë drejt Dubait pasi konsiderohej si një person “i paprekshëm” pasi ishte nën tutelën e shtetit rus. 32-vjeçari është dënuar me gjashtë vite heqje lirie në Holandë pasi ka transportuar plot 1370 kilogramë kokainë nga Amerika Latine drejt portit të Amberes nëpërmjet një ngarkese, e cila duhet të ishte me kripë deti.
Për të evituar probleme të mëtejshme me procedurat e ekstradimit, policia e Dubait ka bërë me dije vetëm se ka ndaluar futbollistin në një hotel luksoz pa dhënë detaje se ku qëndron momentalisht.