Tuzianët e FC Deçiçit e inaugurojnë me fitore stadiumin e ri të ndërtuar në Tuz, në të cilin luhet për herë të parë një ndeshje ndërkombëtare zyrtare. Një stadium ky, që për herë të pare ka edhe emrin e ri kuptimplotë, “Besa” i zyrtarizuar vetëm pak ditë më parë nga strukturat vendore.
Një gjë e tillë ka ndodhur në ndeshjen mes Deçiçit vendas dhe Sileks mysafir nga Maqedonia e Veriut, takim ky i vlefshëm për Ligën e Konferencës.
Golat për ekipin tuzian u shënuan nga Andrej Bajoviç dhe Ibrahima Ndiaye duke hedhur kështu një hap shumë pozitiv drejt kualifikimit për në turin e dytë të Konferencë Ligë.
Për t’u theksuar është se në këtë ndeshje regjistruan debutimin e tyre të parë me FC Deçiçin edhe dy futbollistët shqiptarë nga Kosova, Trimor Selimi dhe Arlind Maloku, të dy u futën në pjesën e dytë, duke e kompletuar një mbrëmje të suksesshme për ekipin nga Mali i Zi.
