Prononcimi i trajnerit të Bylisit, Gentian Mezani, pas ndeshjes, Egnatia-Bylis, 2-2
“Normalisht ishte e vështirë sepse luanim kundër Egnatias, që ka cilësi dhe padyshim do të ishte e vështirë. U munduam nga ana psikologjike me lojtarët, bëmë shumë ndryshime dhe na duhej ana psikologjike. Kishte lojtarë jo me shumë minuta. Sinjali që mora, ishte se këdo që të fusim, kjo skuadër ka cilësi. Disa lojtarë duhet të marrin përsipër më shumë, do i japim minutat më shumë. Mora sinjale të mira dhe nga lojtarë që nuk i njihja më shumë. Kanë dhënë diçka, që më japin shpresën për ndeshjet në vazhdim, për të arritur objektivin që kemi.
Momentalisht po alternohemi sepse kemi mangësi në disa role, na vendosin në vështirësi. Ka disa gjëra që duhet t’i përshtatem kësaj skuadre në mënyrën më të mirë të mundshme. Sot njoha lojtarë të tjerë, që më dhanë shkëndija. T’i besoj më shumë në vijim. Kam mënyrat dhe idetë e mia në mendje. Ishte ide e imja për të luajtur në këtë mënyrë. Lojtarët mund të alternohen. Ndeshjen e parë me Elbasanin kemi bërë shumë keq në pjesën e parë, kemi luajtur me 3. Janë lojtarë profesionistë dhe kur i vendos në fushë alternohen mirë. Po zbatojnë detyrat në mbrojtjen me katër dhe do vazhdojmë kështu. Do presim të marrim maksimumin nga Da Silva, që nuk i ka akoma 90 minuta në këmbë.
Pas ndeshjes me Partizanin, skuadra kishte harxhuar shumë energji dhe patën probleme, edhe nga terreni. Na duhej të bënim rikuperim. Të gjithë lojtarët thuajse kishin probleme. Direkt pas ndeshjes me Partizanin dhe kjo ishte arsye që unë t’u jepja një ditë më shumë pushim, por dhe mundësi e mirë që të shikoja lojtarët që kisha në përbërje. Ishte alternativë e mirë në të dyja mënyrat, që të shplodhen lojtarët por dhe unë të njoh më mirë lojtarët, dhe t’u jap mundësinë më shumë.
Për një trajner është e mirë të ketë shumë lojtarë në një pozicion. Kemi shumë, po të shikoni 4 qendërsulmues. Është dëmtuar një prej tyre në ndeshje me Bylis B. Kemi 5-6 për të njëjtin rol, prandaj më duhet t’i alternoj. Është gjë shumë e mirë se kam shumë lojtarë, më vendosin mua në vështirësi. Duhet të qëndrojmë me këmbë në tokë, kjo është puna më e madhe se kemi çuna të rinj që mund të kalojnë në eufori. Ana psikologjike shumë e rëndësishme dhe shpresoj t’u marr më të mirën në çdo ndeshje, për të arritur objektivin.
Marku? Ka qenë zgjedhje taktike, më pëlqen të sulmoj. Kjo është arsya pse Marku ka luajtur pak më pak, por e kam aktivizuar. Mesa di kanë luajtur dhe me 3, është lojtar me perspektivë. Do i jepet mundësia sepse ka luajtur dhe ka ritmin e ndeshjeve. Duhet të piqet më shumë. Duhet më tepër eksperiencë, por nuk është çudi që me Skënderbeun ta shikoni në formacion. Nuk ka asgjë kundër Markut.
Nuk ishte vetëm Partizani për goditjet standarde. Janë pësuar dhe në ndeshje të tjera. Kam punuar, i kam kërkuar përqëndrim dhe të japin më të mirën. Është neglizhim, nuk shkon në presion te lojtari që ka topin. Nuk duhet lejuar. Do punojmë në këtë aspekt se e kemi të nevojshme. Do analizojmë gabimet që të përmirëohemi. Nuk ka shumë kohë, por do të bëjmë më të mirën për në vijim”, u shpreh Mezani për RTSH.