NGA FATMIR POPJA
-Mungesa e tifozërisë në tribunat e stadiumeve të Shqipërisë ka qenë e dukshme gjatë viteve të fundit dhe kjo dukuri ka dominuar edhe në stadiumet ku zhvilloheshin ndeshjet e Superiores.Kriza e tifozërisë fatkeqësisht ka patur përmasa katastrofike gjë që e tregojnë statistikat e numrit mjaftvtë vogël të shitjes së biletave edhe në shumicën e ndeshjeve të cilësuara të rëndësishme ,pasi për të tjerat për momentin as që mund të diskutohej . Gjithsesi në edicionin e ri futbollistik në Shqipëri shpresohet që të paktën në Kampionatin e Superiores të ketë më shumë tifozë sesa vitet e fundit. Sijalet e para mjaft të qarta të nxitjes së shtimit të pranisë më të madhe të tifozërisë në stadiumet shqiptare i kanë dhënë ” Ultras Tigrat Verdh e Blu” . Ky grupin është nga më të mirë organizuarit dhe me numrin më të madh aktualisht në të gjithë Shqipërinë.Ky grupim ultras sipas të dhënave paraprake do të jetë i pa konkurueshëm nga grupimet e ultrasve të ekipeve të tjera. Ky superioritet i tyre në tribunat e stadiumeve do duket që në ndeshjen e parë që A.F Elbasani do luajë në transfertë ndaj Skënderbeut në Korçë. Përgatitjet e “Ultras Tigrat Verdh e Blu” për të mbështetur masivisht ekipin e tyre të zemrës kanë filluar që gjatë kësaj fundjave . Ata nëpërmjet rrjeteve sociale kanë paralajmëruar se prania e tyre do jetë jashtëzakonisht e madhe në çdo ndeshje , në çdo stadium ku do luajë A.F Elbasani . “E nisin në transfertë.Udhëtojmë drejt qytetit të Korçës masivisht për të përkrahur djemtë dhe ngjyrat e qytetit ” shkruajnë së fundit në rrjetin Fcb ” Ultras Tigrat Verdh e Blu”.Ata e kanë ndjekur dhe mbështetur gjatë tri viteve të fundit ekipin e qytetit të tyre si asnjë grupim tjetër . Tashmë që A.F Elbasani është ngjitur në Superiore , numri i “Ultras Tigrat Verdh e Blu” ,natyrshëm që do shumëfishohet.Por në stadium këtij grupini do tu shtohen së tepërmi edhe disa qindra e mijëra tifozë të zakonshëm. Madje ndryshe nga ndeshjet e tjera të kampionatit , të paktën në “Elbasan Arena ” do ketë gjithmonë edhe një numër të konsiderueshëm femrash, pasi tradita është krijuar prej shumë vitesh .Kështu që Kampionati i Superiores 2024-2025 sivjet ka fituar krahas A.F Elbasanit edhe ” Ultras Tigrat Verdh e Blu” që do injektojnë “adrenalinën” e munguar stadiumeve të Shqipërisë . Koha do tregojë se A.F Elbasani dhe ” Ultras Tigrat Verdh e Blu” do jenë asete të çmuara të Superiores për të cilat ka patur nevojë Kampionati i Elitës së futbollit shqiptar.
